Back كسرى الأول Arabic كسرى الاول ARZ I Xosrov Azerbaijani انوشیروان AZB Хосров I Ануширван Bulgarian প্রথম খসরু Bengali/Bangla Cosroes I Catalan ئەنووشیروان CKB Husrav I. Czech Khosrau 1. Danish
Dr Chosrau I. (persisch خسروḪosrau, [xosˈroʊ̯]; griechisch: Chosroes; alternativi Schriibwiise: Husrav, Xusro, Chusro, Ḫusraw), Anuschirwan gnennt („mit dr unstärblige Seel“; persisch انوشيروانAnūšīr[a]wān [ænuːʃi:rˈvɔːn]; † 579), isch vo 531 bis zu sim Dood 579 dr persisch Groossköönig gsi. Er het us em Gschlächt vo de Sassanide gstammt. Si Geburtsdatum isch umbekannt, aber dr Köönig isch woorschiinlig rächt alt worde, wil er scho erwaggse gsi isch, won er uf e Droon cho isch.
Dr Chosrau I. isch dr Geegeschbiiler vom oströmische Kaiser Justinian I. (527–565) gsi. Er het s Sassanideriich uf e Höhepunkt gfüert, was au in dr Saagenwält vom Oriänt Echo het. Si Naame läbt as Kisra bis hüte witer as e arabischi Bezäichnig für e Köönig und cha mit em dütsche Wort Kaiser, wo vo Caesar chunnt, vergliche wärde.